join us

New post​

klgfsjlhm<sdfgjhlwgshl<gdshlù<dgshlds<ghlsdghlsdg<hlù<s

តស៊ូមតិឲ្យមានអនុសញ្ញាអន្តរជាតិខាងការងារសម្រាប់កម្មករដែលមានទំនាក់ទំនងការងារ សេដ្ឋកិច្ចថ្នាលឌីជីថល ( Digital Platform Worker) ។ កិច្ចប្រឹងប្រែងរបស់យើងពិតជាបានផល និយោជក ដែលទៅពីប្រទេសផ្សេងៗ មិនចង់បានអនុសញ្ញាទេ គឺចង់ឲ្យមានត្រឹមជាអនុសាសន៍ ( Recommendations) ប៉ុណ្ណោះ ។ អនុសាសន៍ គឺមិនជាប់កាតព្វកិច្ច លុះត្រានិយោជក មាន​សមានចិត្តល្អ គេព្រមយកអនុសាសន៍ មកប្រើប្រាស់ជាក្របខណ្ឌ តម្រង់ឬជួយដល់ការអនុវត្តឲ្យបានប្រសើរ។ ទម្រាំជជែកចរចាឲ្យព្រមព្រៀងចេញជាអនុសញ្ញា គឺ2ថ្ងៃ ។ ជាជំហាននៃការចាប់ផ្តើម នៅមានមាត្រា បន្តទៀត ដែលត្រូវជជែក គឺ វិសាលភាពនៃការទទួលខុសត្រូវ និយោជកពីប្រទេសផ្សេងៗ គេពិនិត្យពិច័យណាស់ មិនចង់ទាញយកប្រភេទមុខរបរផ្សេងៗ ដែលកំពុងប្រែរូបរាងក្នុងទំនាក់ទំនងការងារ សម័យទំនើបនេះឡើយ ។ ចេតនា ចង់រួចខ្លួនពីការទទួលខុសត្រូវ ។ យើងខ្ញុំសូមថ្លែងអំណរគុណពីតំណាងកម្មករនៃការចរចានេះ ប្រឹងប្រែងជជែកដល់យប់ជ្រៅ ព្រលឹមឡើងត្រូវមកជជែកជាមួយកម្មករដើម្បីប្រមូលយោបល់ ពិគ្រោះពិភាក្សាពីតំណាងកម្មករដែលទៅពីប្រទេសផ្សេងៗ ។ ចរចា ដល់ទៀបភ្លឺក៏មាន ។ យើងក៏សូមអរគុណ ដល់កិច្ខប្រឹងប្រែង ពីសកម្មជន កម្មករពីបណ្តាប្រទេសផ្សេងក្នុងកម្រិតអាស៊ាន តំបន់ ដែលប្រឹងប្រែងធ្វើការសិក្សាស្រាវជ្រាវ ដើម្បីជាភស្តុតាង ក្នុងការតស៊ូមតិក្នុងកម្រិតអន្តរជាតិ ។ ក្នុងអំឡុងពេលសន្និការងារនេះ ក៏ស្នើឲ្យមានការដាក់បញ្ចូលនូវបញ្ហាសុខភាពសុវត្ថិភាពបន្ថែម នៅគណកម្មការផ្សេងទៀតពិភាក្សា សរសេរពង្រាងដាក់ទៅគណកម្មការពិនិត្យ ដោយការព្រួយបារម្ភនូវ មេរោគរីករាលដាល ការពុលអាហារ សីតុណ្ហភាពកម្តៅ នាពេលកន្លងមក បានបង្រៀននិងឲ្យយើងឃើញថា វិស័យឯកជនរួចខ្លួន ពីការទទួលខុសត្រូវ កម្មករវេទនា បាត់បង់ការងារ បាត់បង់ចំណូល ស្លាប់ដោយសារការងារ ដោយគ្មានការទទួលខុសត្រូវ ពីភាគីណាមួយ ។ ម៉្លោះហើយ គណ​កម្មការពង្រាង ( Drafting committee) ពីសមាសភាពកម្មករ បានប្រមូលនូវយោបល់ និងកង្វល់ ហើយដាក់បញ្ចូលជាច្បាប់ពង្រាងមួយ ដាក់បញ្ជូនទៅគណកម្មការពិនិត្យ តែកម្មករក៏ត្រូវតែឡើងការពារលើអំណះអំណាងដែលដាក់ទៅនោះ ។